Click လုပ်ပေးတဲ့အတွက် ကျေးဇူးတင်ပါတယ်ခင်ဗျာ။ ကောင်းကင်ကြီး ဘာလို့ အပြာရောင် ဖြစ်နေရတာလဲ ? (ဖတ်ရှုရန် ကြာချိန် ၃ မိနစ်ခွဲခန့်) ♪ ကောင်းကင်ပြာကို ဘယ်သူများ ဆေးရောင်ခြယ်... ငှက်တွေကိုကွယ် ဘယ်သူတွေ တေးဆိုသင်တယ်.... ♪ ဟုတ်ကဲ့၊ ငှက်တွေကို ဘယ်သူတွေ သီချင်းဆို သင်သွားတယ်ဆိုတာ ကျွန်တော် မသိပေမယ့် ကောင်းကင်ကြီး ဘာကြောင့် အပြာရောင်ဖြစ်နေရတယ် ဆိုတာကိုတော့ သိပါတယ်ခင်ဗျ။ ကျွန်တော်တို့ ကမ္ဘာကြီးမှာ လေထုရှိတယ်.. ဟုတ်တယ်နော် ? အားလုံးသိကြတဲ့အတိုင်းပဲ အဲ့လေထုထဲမှာ နိုက်ထရိုဂျင် ၇၈ % ၊ အောက်ဆီဂျင် ၂၁ % နဲ့ တခြားဓါတ်ငွေ့တွေက ကျန်တဲ့ရာခိုင်နှုန်း ပါတယ်ပေါ့ဗျာ။ နေဆီက ကျလာတဲ့ အလင်းရောင်က အဖြူရောင်ပါ။ တော်တော်များများကတော့ ပြောကြပါလိမ့်မယ် "အဝါရောင်” ပါပေါ့။ မဟုတ်ပါဘူး။ ကိုယ့်လူတို့ နေ့ခင်းဖက်မှာ ရှိနေမယ့် နေလုံးကို လှမ်းကြည့်လိုက်ပါ။ အဖြူရောင်ကိုပဲ မြင်ရပါလိမ့်မယ်။ အဲ့တာ နေရဲ့ တကယ့်အရောင်မှန်ပါ။ အဖြူရောင် ဖြစ်ဖို့အတွက် အရောင်တွေ ပေါင်းစပ်ရပါတယ်။ ဒါကို သိပြီးသူတွေ ရှိပါလိမ့်မယ်။ မသိတဲ့သူတွေအတွက်လည်း အရှင်းဆုံး ပြောပြပေးပါမယ်။ သုံးမြှောင့်ဖန်တုံး ဒါမှမဟုတ် ရေမှုန်တွေကို အလင်းတန်း ဖြတ်သွားတ